! आदरांजली शिवशाहीर बाबासाहेबांस !
शिवचरित्राचा ध्यास, शिवचरित्राचा अभ्यास
अर्पिले अखंड आयुष्य शिवशाहीरांनी त्यास
निर्मिला "राजा शिवछत्रपती" ग्रंथ हा खास
जोड दिधली "जाणता राजा" नाट्याची त्यास !
रचिला होता शिवरायांनी अदभूत इतिहास
दावीला उलगडूनी तो अमोघ वाणीतून जगास
दखलपात्र ठरला बाबासाहेबांचा हा प्रयास
गौरवीले पद्मविभूषण, महाराष्ट्रभूषणाने त्यांस !
लाभली आयुष्याचीही साथ ह्या पुण्यकर्मास
दैवानेही केली जीवनाची शतकपूर्ती झकास
कधी कधी विरोधकांनीही केला होता विपर्यास
डगमगला नाही शिवशाहीर पुरंदरेंचा हा प्रवास !
अखंड भ्रमंती, सतत गडकोटांचा सहवास
करुनी ऐतिहासिक दस्ताऐवजांचा अभ्यास
अखेरच्या श्वासापर्यंत वाहीले होते संशोधनास
घेतला होता त्यांनी शिवसृष्टी निर्मितीचा ध्यास !
मानाचा मुजरा शिवशाहीरांच्या ह्या कार्यास
हीच ती आदरांजली शिवशाहीर बाबासाहेबांस !
रवींद्र कामठे, पुणे